శాంతి సుమం

విశ్వమాత హృదయంలొ శాంతి సుమం - నాకవిత
భరతమాత తలపులలో ప్రగతి పదం - నాకవిత
తెలుగుతల్లి అణువణువున క్రాంతి కధం - నాకవిత
జన గుండెల మందిరాన జానపదం - నాకవిత

త్యాగ ధనుల పరమార్ధం కీర్తించే - నాపాట
చిరునవ్వుల పసిపాపల జోలపాట – నాపాట
మనవీరుల సాహసాలు ఎలుగెత్తిన – నాపాట
మహానీయుల విలువలను చాటించె-నాపాట

చైతన్యం చిగురించగ పోరుబాట – నాపాట
రైతన్నలు ఉద్యమించ ఏరువాక - నాపాట
శ్రామికజన జీవితాల మార్పురేఖ – నాపాట
కష్టజీవి కన్నులలో ఎర్రజీర – నాపాట

అణగారిన మహిళలకు తెగవనిచ్చె - నాపాట
రగులుతున్న గుండెలలొ మరుగుతున్న – నాపాట
కన్నీటి కడిలిలొ దిక్సూచే - నాపాట
ఆకలి మెలిపేగులలొ పొలికేకె - నాపాట

నదీనదుల పరవళై ప్రవహించె - నాపాట
కొండల సెలయేటిలా జాలువారు - జనపాట
జాబిలమ్మ వెన్నెలలో చల్లదనం -నాపాట
విప్లవాల విరితోటలొ-మొగ్గతొడిగె తొలిపాట

- పి.ఎన్.మూర్తి -9441151762