తెలుగుతనం వెలుగింటన

తెలుగు జాతి ఎక్కడున్న

తెలుగు భాష ఒక్కటే

తెలసుకొని మసులుకో తెలుగోడా- తెలివిగా నడచుకో తెలుగోడ

ఎగువనున్న నేమిరా - దిగువనున్న నేమిరా

తాగునీరు ఒక్కటే - సాగునీరు ఒక్కటే

మాండలికం మారినా - తెలుగు భాష ఒక్కటే

యాసలెన్నివున్నను - గొంతు కలిపి నడవరా

తెలుగు భాష ఒక్కటే - తెలుగు జాతి ఒక్కటే

తెలుసుకొని మసులుకో తెలుగోడ - తెలివిగా నడచుకో తెలుగోడ

కష్టజీవి ఎక్కడున్న కాయకష్టమొక్కటే

స్వార్దశక్తులేవైనా దోచుకొనుట తద్యమే

రాష్ట్రాలు రొండైనా - తెలుగు భాష ఒక్కటే

నిండు మనసుతోనీవు -ఒక్కటై సాగర

తెలుగు భాష ఒక్కటే - తెలుగు జాతి ఒక్కటే

తెలుసుకొని మసులుకో తెలుగోడ - తెలివిగా నడచుకో తెలుగోడ

తమ సంపద కోసమై విభజించే నీతిరా

తమవారల భోగముకై పాలించే దొరలురా

ప్రాంతాలుగ విడిపోయిన - తెలుగుభాష ఒక్కటే

సమభావన ఎదనిండగ - చేయిచేయి కలపరా

తెలుగుభాష ఒక్కటే - తెలుగు జాతి ఒక్కటే

తెలుసుకొని మసులుకో తెలుగోడ - తెలివిగా నడచుకో తెలుగోడ

అల్లూరి మనవాడే - కొమరం బీమ్ తెలుగోడే

తిక్కనైన పోతనైన - వేమనైన తెలుగోడే

జన్మించినదెక్కడైన - తెలుగుభాష ఒక్కటే

తెలుగుతనం వెలుగింటన - ప్రమిదలై నిలవరా

తెలుసుకొని మసులుకో తెలుగోడ - తెలివిగా నడచుకో తెలుగోడ

                                                                                                                         - పిఎన్ మూర్తి

                                                                                                                        (9441151762)